Falece o condutor dunha moto en Vigo tras saír da vía nunha rotonda próxima a Peinador
A vítima, un home de 47 anos e veciño de Redondela, sufriu o accidente contra ás 23:00 deste mércores
Un home que conducía unha moto faleceu este mércores a última hora da noite en Vigo tras sufrir unha saída de vía nunha rotonda próxima ao aeroporto de Peinador.
O sinistro, segundo indicou o 112 Galicia, produciuse contra ás 23:00 horas na estrada N-556, en Cabral, nas proximidades do aeródromo vigués.
Un particular comunicouse co teléfono de Emerxencias e indicou que atopara o accidente e que un motorista podería estar morto.
A saída de vía rexistrouse cando o condutor da moto, de 47 anos e veciño de Redondela, circulaba en sentido saída da cidade cunha moto de 660 centímetros cúbicos.
O persoal sanitario que acudiu ao lugar do suceso certificou o falecemento.
A Policía investiga as causas do accidente, cuxas dilixencias foron entregadas ao Xulgado de Instrución 7 de Vigo.
