Estoupa un bus urbano de Vitrasa tras arder no centro de Vigo
Estoupa un bus urbano de Vitrasa tras arder no centro de Vigo
Sucedeu á altura da rúa Urzaiz, no cruzamento con Colón
Non houbo feridos, pero houbo que desaloxar con rapidez os pasaxeiros
Pasaba das dez e media da noite. O autobús urbano de Vitrasa estaba estacionado na parada da Farola de Urzaiz, no centro de Vigo. Comezou a arder pola parte de atrás por causas que aínda se descoñecen e que está investigando a Policía Nacional, mesmo se foi un incendio intencionado.
Inda que nun primeiro momento se informou que levaba pasaxeiros, ao parecer no momento de iniciarse o lume, estaba baleiro. A conductora puido saír a tempo e non sufriu dano ningún. Pouco despois de empezar a arder, producíanse varias explosións e as lapas envolveron o vehículo todo.
Ata o lugar desprazáronse dúas dotacións de bombeiros e a Policía Nacional e a local, para apagar as lapas e controlar o tráfico. O autobús sinistrado era un vehículo novo, híbrido de última xeración, recentemente adquirido pola compañía. Llevaba circulando desde o mes de marzo.
O lume, que consumiu totalmente o bus urbano, quedou sufocado unha hora despois, sobre as once e media da noite.
