Exceltur prevé unha Semana Santa de boa demanda turística en todos os destinos
Nalgunhas empresas e destinos, mesmo podería superar os resultados de antes da pandemia
O sector turístico español prevé unha boa Semana Santa, cunha facturación que alcanzará ao redor do 90 por cento das cifras rexistradas antes da pandemia, segundo datos de Exceltur. Mesmo agardan nalgúns destinos e empresas superar esa facturación.
Recupérase a demanda estranxeira e por subsectores o maior optimismo é o dos aloxamentos.
Esas perspectivas favorables para o inminente período turístico esténdense a todas as localizacións turísticas. Boa parte dos destinos de interior de demanda nacional, din en Exceltur, poderían mellorar os datos do mesmo período de 2018.
Segundo o estudo desa alianza, que representa o 29 por cento das empresas turísticas españolas, a guerra de Ucraína apenas tivo impacto nas reservas turísticas para a Semana Santa.
