Un incendio forestal en Alxeciras obriga a evacuar varios casaríos

Un incendio forestal declarado en Canillas, no municipio gaditano de Alxeciras, obrigou a desaloxar esta madrugada a veciñanza de varios casaríos e a confinar unha urbanización en Getares. O lume afecta unha parte do Parque Natural do Estreito.

O incendio declarouse sobre as seis e media da tarde do sábado, pero esta madrugada a delegada do Goberno andaluz en Cádiz, Mercedes Colombo, activou o nivel 1 do Plan de Emerxencias ante Incendios Forestais da Comunidade Autónoma (Infoca).

Mobilizáronse nove grupos de bombeiros forestais, tres técnicos de operacións, un de extinción, un axente de Medio Ambiente, catro autobombas, un vehículo subministrador, a Unidade Móbil de Meteoroloxía e Transmisións (UMMT), maquinaria pesada e unha Unidade Médica de Incendios Forestais (UMIF).