Publicador de contidos

Publicador de contidos

Estabilizado o incendio de Laza, non queda ningún activo en Galicia

Estabilizado o incendio de Laza, non queda ningún activo en Galicia

O incendio de Laza leva queimadas unhas 2.100 hectáreas

Extinguido o lume do Irixo, Carballeda, A Gudiña e Boborás

Estabilizado o lume que levou por diante a capela de Santa Ana en Oímbra

G24.gal 15/08/2022 20:58 Última actualización 15/08/2022 22:32

Os incendios na provincia de Ourense son os que concentran nestes momentos a máxima atención dos dispositivos contraincendios, aínda que a situación está mellorando.

Este serán, contra as 20:30 horas quedaba estabilizado o incendio de Laza. Un incendio que levaba ardendo 6 días e que leva queimadas 2.100 hectáreas. Estabilizado este lume agora non queda ningún lume activo en Galicia.

Contras as 18.30 desta tarde Medio Rural daba por controlado incendio da parroquia de Campobecerros no concello de Castrelo do Val tras arrasar 175 hectáreas.

Foi este o último dos lumes en declararse, pasadas as 22:00 horas deste domingo, e Medio Rural asegura que no seu inicio detectáronse varios focos polo que todo apunta a súa intencionalidade

O lume do concello de Riós quedou establizado o que comezou a arder no monte este domingo á tarde na parroquia de Fumaces, e afecta tamén ás da Trepa e a propia de Riós, que lle dá nome ao concello. En total leva calcinadas unhas 103 hectáreas segundo o último reconto realizado por Medio Rural.

A alcaldesa de Riós, Eva Barrio, en declaracións aos servizos informativos da Televisión de Galicia, xa aseguraba que a situación mellorara durante a noite, pero que os medios de extinción aínda tiña traballo por diante.

Tamén na provincia de Ourense, o incendio iniciado no concello de Oímbra, na parroquia das Chás, quedou estabilizado, segundo informa o Twitter da Xunta, @incendios085. Leva queimadas 70 hectáreas. Alí o lume arrasou por completo a capela de Santa Ana. Tan só quedaron en pe as paredes, de pedra. 

Publicidade
Publicidade
Publicidade
Publicidade
Pódeche interesar