España supera os 95.000 falecidos diagnosticados con Covid–19

Os indicadores da sexta vaga proseguen a súa caída cunha nova baixada na incidencia de 201 puntos, ata os 1.692 casos, e dos contaxios diarios (62.839). Notificáronse 282 falecementos no último día, que elevan os decesos desde o inicio da pandemia a 95.213.

Os datos do Ministerio de Sanidade apuntan a que todos os indicadores de transmisión da pandemia manteñen a tendencia á baixa das últimas dúas semanas. O dato tradúcese xa nun alivio real na presión hospitalaria en planta (18,1 %) e nas unidades de coidados intensivos (11,5 %), con menos ingresos que altas cada día.