Esgotadas as entradas para o Rácing-Sevilla de Copa

Ás dúas desta tarde pechouse a venda de entradas para o partido da Copa do Rei entre o Rácing e o Sevilla, xa que todo o papel está xa vendido, xa non hai entradas, todo está cuberto.

Os abonados do Rácing de Ferrol tiveron preferencia ata o pasado día 31 de decembro, á hora de comprar a súa entrada para o encontro previsto para o día 7 de xaneiro, ás catro da tarde no campo da Malata.

A partir de hoxe, día 2 de xaneiro, todas as entradas que non adquiriran os abonados, puxéronse á disposición do público en xeral, os abonados tamén podían seguir comprando. Con todo, esgotáronse en apenas catro horas as preto de 2.500 que saíron á venda.

Unha vez máis, o campo da Malata queda pequeno para a enorme demanda dos afeccionados para acudir a presenciar os partidos do Rácing.

A Sevilla o club tan só enviou 210 entradas, polo que o oco para a afección visitante será máis pequeno.