O novo proxecto do Pontevedra comeza o seu camiño na Primeira Federación
O conxunto granate, con Rubén Domínguez á fronte, comezou a pretemporada con 21 xogadores e un cadro de xogadores aínda por completarse
A carón de Pasarón comezou a pretemporada do Pontevedra. O equipo granate volveu á Primeira Federación cun cambio substancial, de categoría e de adestrador. O ourensán Rubén Dominguez encabeza o proxecto para esta campaña na que o Pontevedra tratará de evitar os problemas de hai tres anos que o levaron ao descenso.
A primeira xornada de adestramentos do novo Pontevedra estivo composta por unha primeira parte de traballo máis físico no ximnasio e unha segunda sobre o céspede, no que xa se puido ver a presenza do balón como elemento de traballo.
Ademais, nela, púidose ver a Víctor Vázquez 'Churre' dentro do seu novo rol no club, onde exercerá como adestrador asistente para un Rubén Domínguez que contará, ademais, no seu corpo técnico con Manu Barros, Moncho Martínez, Carlos Arousa e Adrián Abalo.
A presidenta, Lupe Murillo, estivo no adestramento e saudou todos os xogadores.
