Publicador de contidos

Publicador de contidos

Envían dende Sarria un tractor con mensaxes de solidariedade coa illa da Palma

Envían dende Sarria un tractor con mensaxes de solidariedade coa illa da Palma

O vehículo está adaptado para o cultivo de plátanos

Pintárono de vermello para lembrar os efectos da lava

G24.gal 21/06/2022 19:35

Que os agricultores da illa da Palma sintan a solidariedade dos veciños de Sarria. Con ese obxectivo, nun concesionario agrícola da vila prepararon un tractor de fabricación xaponesa e enchérono de mensaxes de apoio aos afectados polo volcán da illa.

Mesmo o pintaron cunha cor vermella intensa para que nunca se esquezan os efectos das famosas coadas que asolaron a Palma.

O tractor é un dos modelos máis utilizados na illa porque está deseñado para o traballo en hortas e en plantacións de plátano. Os responsables do concesionario decidiron preparalo porque levan anos traballando con clientes nas Canarias e querían amosar a súa solidariedade cos afectados.

Non o puideron facer antes porque, como sucede con tantos produtos, o vehículo tardou en chegar máis do previsto.

Agora o concesionario xa prepara novas iniciativas solidarias con outras zonas de Europa que pasan momentos de apuro.

Publicidade
Publicidade
Publicidade
Publicidade
Pódeche interesar