En Galicia repáranse pezas dos parques eólicos de todo o mundo
Arránxanas na empresa de Siemens Gamesa en Oroso, onde estrearon un novo sistema para aumentar a fiabilidade do proceso
Alfonso Rueda destacou o potencial do noso sector eólico e lamentou o bloqueo xudicial ao que está sometido
Ata a factoría de Siemens-Gamesa de Sigüeiro chegan cada día para reparar pezas dos eólicos dos Estados Unidos, O Brasil ou Australia. Agora incorporan un novo banco de probas que aumentará a fiabilidade dos resultados.
Kerman Gabiola, director xeral de Siemens Gamesa en España, asegura que vai "permitir validar reparacións cos máis altos estándares, reducir tempos de resposta e ofrecer aos nosos clientes unha fiabilidade aínda maior".
Os empresarios lamentan o bloqueo xudicial do sector eólico en Galicia:
"Galicia perdeu a puxanza que tiña, superáronnos outras comunidades que non teñen esa xudicialización dos procesos de instalacións dos parques", afirma Rubén Carranza, director de After-market de Siemens Gamesa.
Na mesma liña se pronunciou Alfonso Rueda:
"Non é o normal que todas as peticións de novas instalacións eólicas en Galicia todas se recorran por sistema".
O presidente da Xunta asegura que seguirán apostando por esta enerxía verde.
A repotenciación dos parques reducirá o seu impacto ambiental ao eliminar o 80 % dos muíños en Galicia.
