Dúas pelexas separadas por varias horas deixan momentos de tensión na Coruña
Unha das leas rematou cunha persoa semiinconsciente
Denuncian consumo de alcol, conflitos cotiáns e escaseza de solucións
Son as pegadas da última pelexa que houbo no Orzán. Aconteceu a media tarde deste luns e os implicados foron varios usuarios da Cociña Económica.
"Onte foi o último episodio violento, pero só un dos moitos que acontecen aquí. Eran tres contra un e déronlle de todo: puñadas, patadas...", explica José Luis Méndez, presidente da asociación de veciños do Orzán.
Ata deixalo semiinconsciente. Unha testemuña foi quen alertou a policía.
"Cando estaban mallando nel, o home non se movía. Estaba semiinconsciente e despois foi recuperando", engade Méndez.
As consecuencias da outra pelexa que tivo lugar contra as once da noite, na terraza desta xamonería de Torreiro, non foron tan graves. A intervención do xerente do local resultou clave para evitar que a lea fose a máis.
"Eran dous amigos que se pelexaron. Tiveron un problema, meteuse o xerente para separalos, e xa".
Aquí, segundo contan, unha pequena chispa foi dabondo para alterar a normalidade.
