Dous incendios forestais no concello de Rodeiro levan queimadas máis de 40 hectáreas

Dous incendios forestais permanecen activos desde a tarde do sábado no concello pontevedrés de Rodeiro.

Un deles afecta a parroquia de Arnego.  Segundo os últimos datos achegados na tarde do sábado pola Consellería do Medio Rural, a superficie queimada supera as 20 hectáreas.

O outro incendio é o que se declarou na parroquia de Carboentes.  Tamén leva calcinadas máis de 20 hectáreas. Nos labores de extinción dos dous lumes traballan quince brigadas e trece medios aéreos.