Dous feridos ao chocar a súa embarcación cunha batea na Illa de Arousa

Dúas persoas tiveron que ser trasladadas ao hospital do Salnés logo de sufriren un accidente na Illa de Arousa.

Ás 21:50 horas deste sábado, un dos implicados chamou ao 112 Galicia, explicando que unha menor resultara ferida na cabeza. Navegaban a bordo dunha embarcación de recreo cando chocaron contra unha batea fronte a Punta Cabalo, na Illa de Arousa.

Nada máis recibir o aviso, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, Salvamento Marítimo, Servizo de Gardacostas de Galicia e Garda Civil.

Pouco despois, desde Salvamento Marítimo informaron de que estaba mobilizada unha das súas embarcacións. Por parte do Servizo de Gardacostas de Galicia tamén se enviou o helicóptero de rescate Pesca I.

Con todo, foi unha embarcación aduaneira a que recolleu finalmente tres dos afectados e os levou a terra, tras o cal dous deles foron evacuados ao hospital do Salnés.

En Emergencias Todos Sumamos...
Ayer noche: llamada @112Galicia integra informante que comunica estar a bordo de una embarcación con 3 personas más, una de ellas con brecha sangrante en la cabeza tras choque contra una batea. Añade que en la zona de proa hay un agujero de… pic.twitter.com/7IVDtp7e0A

— SALVAMENTO MARÍTIMO (@salvamentogob) June 29, 2025

Salvamento Marítimo fíxose cargo de remolcar a embarcación ata Vilanova de Arousa, xunto cunha última persoa que agardara no seu interior.