Publicador de contidos

Publicador de contidos

Dous detidos por roubar cable de cobre e seis cafeteiras no tanatorio de Dodro 

Dous detidos por roubar cable de cobre e seis cafeteiras no tanatorio de Dodro 

Os feitos investigados explican que os presuntos autores accederían ao interior da instalación tras forzar unha das portas de acceso

Garda Civil/Foto de arquivo Garda Civil/Foto de arquivo
G24.gal 19/11/2026 09:30

Dous homes de 43 e 19 anos foron detidos por roubar cable de cobre e seis cafeteiras no tanatorio de Dodro, unha causa que recaeu no tribunal de instancia en funcións de garda de Padrón.

O Equipo Roca da Compañía da Garda Civil de Noia, especializado na investigación de delitos cometidos no ámbito rural, arrestou o pasado 13 de novembro os dous homes, informa este xoves un comunicado da Garda Civil.

Os feitos investigados, sinala a nota, producíronse o pasado 20 de outubro, e os presuntos autores accederían ao interior da instalación tras forzar unha das portas de acceso.

Unha vez dentro, presuntamente subtraeron cable de cobre pertencente á instalación eléctrica e tamén as seis cafeteiras.

Tras as xestións de investigación realizadas polo Equipo Roca, logrouse identificar os presuntos responsables dos feitos e, unha vez instruídas as correspondentes dilixencias, foron postos á disposición da autoridade xudicial competente.

Publicidade
Publicidade
Publicidade
Publicidade