Dispárase a demanda de probas covid horas antes da cea de fin de ano
Dispárase a demanda de probas covid horas antes da cea de fin de ano
Acoden aos puntos de cribado porque tiveron contacto cun positivo ou porque teñen síntomas
Todos buscan un pouco de seguridade antes de xuntarse coa familia
A explosión de contaxios que está a deixar a variante ómicron dispara a demanda de probas covid.
"Hai varios tipos de pacientes, algúns que son contactos, outros que teñen sintomas, e os que queren quedar tranquilos para pasar as festas", explica Mercedes Touriño Santos, enfermeira en cribados, e engade: "Levamos máis de 200 probas e 27 positivos"
Queren saber se están contaxiados porque cada vez se estreita máis o cerco. Todos teñen no seu contorno algún caso positivo.
"Tiven un contacto cun positivo", di unha das persoas que viñeron facer a proba. Outro engade: "E que cos casos que están chovendo".
Aquí pódese chegar con cita ou sen ela. Non importa a espera cando un marcha co resultado na man.
"Negativo, todo ben"; "Negativo, un alivio de cara a Noitevella".
E o motivo que máis se repite: buscan seguridade antes de xuntarse coa familia.
"Temos o compromiso de facer todos o test antes de xuntarnos", comentan durante a espera do resultado.
En Galicia fanse a diario máis de 30.000 probas diagnósticas. Hai 24 puntos de cribado habilitados para facer tests de antíxenos.