Difunden nas redes sociais pelexas entre menores en Ribeira

Unha pelexa entre un grupo de rapaces en plena rúa, e con público que os animaba, sorprendeu a veciñanza da localidade coruñesa de Ribeira.

Non houbo feridos de gravidade nin, polo momento, denuncia ningunha, con todo a Policía Nacional investiga os feitos, difundidos a través das redes sociais.

Ao parecer os rapaces quedaran previamente para pelexarse. Cómpre lembrar que difundir imaxes que atentan contra a dignidade das persoas, especialmente se son menores, é un delito perseguido pola lei.