Diego Gómez: “Oxalá siga Óscar Gilsanz, e por moitos anos”

O ourensán, que vai a máis no Dépor, querería que a tempada durase máis para que ao equipo déselle tempo a engancharse ao ascenso. Un dos alicientes deste final de tempada está nos minutos para os menos habituais.

Xogadores, como o caso de Diego Gómez, que necesitan rodaxe na categoría e que se espera, sexan moi importantes no futuro. O ourensán, por tanto, é dos poucos que non desexan que a tempada termine.

Quedan tres paradas ao tren desta campaña 2024-25, e Diego Gómez espera xogar os máximos minutos posibles coa camiseta deportivista.

“Teño cero gañas de vacacións. E oxalá durase un pouco máis a liga e tivésemos opcións de engancharnos arriba”, sostén o xogador.

E é que os seus minutos van en aumento nas últimas semanas. Desde a lesión de Mella, Diego Gómez aproveitou a súa oportunidade e estase gañando a confianza do adestrador.

"Estou ben, moi contento por poder xogar máis minutos e achegar asistencias. Contento de poder ter máis participación no equipo”, asegura.

Vén de xogar en Xixón, onde foi o encargado de dar a asistencia no único gol do seu equipo no partido en Asturias.

Cualifica o vivido alí como un partido cun “grande ambiente e nun grande estadio. Foi unha tarde bonita de fútbol”.

Diego Gómez aposta por Gilsanz.

“Oxalá siga Óscar, e siga por moitos anos máis”, apunta o futbolista ourensán.

Gómez, que coñece perfectamente a Gilsanz da súa etapa no Fabril, aposta, por tanto, pola continuidade do adestrador. Fernando Soriano aínda non confirmou quen sentará no banco de Riazor a próxima campaña.