Deteñen catro menores por prenderlle lume a unha persoa sen fogar en Almería

Dous menores foron detidos por un delito de homicidio en grao de tentativa e outro de odio, e outros dous foron investigados como colaboradores necesarios, despois de que presuntamente tentaran matar o pasado abril en Adra (Almería) unha persoa sen fogar á que lle prenderon lume.

Segundo un comunicado deste mércores da Garda Civil, os feitos tiveron lugar a mediados de abril, cando se tivo coñecemento a través do 112 de que varias persoas lle prenderan lume a un sen teito neste municipio. Á súa chegada, os axentes do instituto armado comprobaron como un veciño da localidade, o mesmo que dera a voz de alarma, conseguira sufocar as lapas das vestimentas da persoa sen fogar.

Tras reunir e analizar os indicios do lugar e as manifestacións das posibles testemuñas, os investigadores constataron que dous menores prenderan lume o home, mentres outros dous "axudaban e animaban".

Os presuntos autores destes feitos foron detidos e investigados dentro da denominada operación Puerto Fenicio, tras o que foron postos a disposición da Fiscalía de Menores de Almería, que decretou o ingreso nun centro de reforma dos dous arrestados.