Detido un mozo na Coruña por un presunto intento de homicidio a unha compañeira de piso
A moza recibiu unha puñalada no pescozo tras unha discusión e está en estado grave no CHUAC
Durante a discusión tamén se lle prendeu lume a un colchón o que provocou un incendio e unha grade fumareda
A agresión produciuse nun piso compartido do Paseo de Ronda da Coruña
A Policía Nacional detivo un mozo nun piso do edificio número 28 do Paseo de Ronda, en Riazor, polo presunto intento de homicidio a unha das compañeiras da vivenda que compartían.
Os feitos ocorrrían contra as dúas da tarde. Ao parecer, tras unha discusión, o mozo, presuntamente, feriu cunha arma branca a unha compañeira de piso no pescozo. A moza foi trasladada ao CHUAC e está en estado grave, segundo fontes próximas ao caso.
O agresor tamén tivo que ser atendido polos servizos de urxencias e atópase en dependencias policiais.
A investigación segue aberta, pero en principio descártase que sexa un caso de violencia machista, xa que a vítima e o agresor non son nin foron parella.
Amais do 061 e a Policía Nacional, á zona tamén se trasladaron os bombeiros. No transcurso da pelexa, un dos implicados, preudeulle lume a un colchón. O lume provocou unha fumareda grande, que axiña se fixo visible desde a rúa.
