Deteñen un home tras a morte dunha muller que caeu desde un terceiro piso no Carballiño

A Garda Civil detivo un varón despois de que unha muller se precipitara desde un balcón dun terceiro piso no municipio ourensán do Carballiño.

A detención é preventiva mentres non se aclara se a muller caeu por accidente, intentou suicidarse ou foi empurrada.

A Garda Civil non desbota ningunha das hipóteses.

Os feitos producíronse arredor das 3 da madrugada deste martes na rúa Curros Enríquez.

Como consecuencia da caída, a vítima foi trasladada ao Complexo Hospitalario Universitario de Ourense en estado grave, pero está fóra de perigo.