Detido un home de Mos ao que lle interviñeron unha plantación de marihuana

A Garda Civil detivo un veciño de Mos de 50 anos que ocultaba no interior da leira da súa casa unha plantación de marihuana.

A Garda Civil soubo da existencia da plantación polas queixas dos transeúntes, que detectaban un forte cheiro a marihuana cando pasaban pola zona.

Tras uns meses de vixilancia puideron verificar a existencia dunha plantación de marihuana nun xardín dunha vivenda unifamiliar, de modo que solicitou mandamento xudicial de entrada e rexistro no domicilio obxecto.

Alí aprehendéronse un total de 9 plantas de marihuana de gran tamaño: entre 160 e 180 centímetros de alto, de 257 ramas de cogollos de marihuana e de sete quilos de cogollos en tres caixas dispostos para a súa introdución no mercado ilícito.

Ademais, acharon unha báscula de precisión, un deshumidificador e un foco de secado.

O detido e as dilixencias foron entregadas no Xulgado de garda de Porriño, onde se decretou a súa posta en liberdade coa obrigación de comparecer en sede xudicial cando sexa requirido.