Publicador de contidos

Publicador de contidos

Deteñen un atracador en Lugo que empregou unha manobra de estragulamento

Deteñen un atracador en Lugo que empregou unha manobra de estragulamento

Un policía fóra de servizo perseguiu o suposto autor ata que conseguiu reducilo

O asalto produciuse na rúa Conde e a vítima era un ancián de 74 anos
G24.gal 09/02/2023 13:31

A Policía Nacional detivo nas últimas horas un home en Lugo por un intento de roubo especialmente violento. De feito, estivo a piques de estrangular a vítima.

Os feitos aconteceron na rúa Conde. Un policía fóra de servizo circulaba co seu coche e escoitou pedir auxilio. Comprobou que a vítima xa estaba atendida por outra persoa e que dous homes fuxían do lugar, polo que decidiu perseguilos. Nun momento separáronse e seguiu a un.

Nun aparcadoiro de Paradai de Arriba foi onde se produciu a detención. A dúas rúas de aquí quedou a vítima atordada, mentres un policía fóra de servizo frustraba o atraco.  O asaltante tentou fuxir á carreira polas rúas Eo e Sil. 

Para o roubo empregou un método perigoso que pode causar a morte, coñecido como o 'mataleón'. Un sistema para inmobilizar a vítima que consiste en agarrala polo pescozo, desde as costas, e rodearlle a gorxa co brazo para cortarlle a chegada do sangue ao cerebro, e que quede sen osíxeno. A vítima tiña 74 anos. O detido xa é coñecido por ter antecedentes, pero ata o de agora nunca usara o método do 'mataleón' para os seus delitos.

Manuel Arias, voceiro da Policía Nacional de Lugo di que "chegaron a un aparcadoiro próximo, o fuxido agochouse. Localizouno e saíu a correr e volveu outra vez ao aparcadoiro, onde chegaron os coches patrulla e finalmente puideron detelo. Era un dos asaltantes porque levaba as pertenzas que lle quitou ao pobre home".

Publicidade
Publicidade
Publicidade
Publicidade
Pódeche interesar

Publicador de contidos