Detido por terrorismo xihadista un menor sirio de 17 anos en Montellano, Sevilla
Detido por terrorismo xihadista un menor sirio de 17 anos en Montellano, Sevilla
A propia nai do mozo foi a que alertou de que o seu fillo tiña mensaxes sospeitosas no seu teléfono móbil, que lle farían pensar que podería cometer un delito
![](https://img-g24-crtvg.flumotion.com/prog24/2024/20240122/DETIDOSEVILLATERRORISMO.jpg)
Esta mañá foi detido en Montellano (Sevilla) un mozos de 17 anos de nacionalidade siria pola súa presuntación relación co terrorismo xihadista, segundo informaron a EFE fontes da investigación, que concretan que se trata dunha operación coordinada pola Audiencia Nacional.
A operación desenvolveuse durante a noite do domingo e a madrugada deste luns nesta vila de 7.000 habitantes da serra sur sevillana, onde durante unhas sete horas se estableceu un dispositivo policial que cortou varias rúas da zona centro.
A trintena de axentes da Comisaría Xeral de Información que se formaron arredor do pobo levantou unha grande expectación nesta localidade sevillana.
Tras a detención do mozo, a policía realizou un rexistro na súa vivenda, da que levou varias caixas e maletas, e procedeuse ao seu traslado a Madrid en compañía da súa nai, por ser menor de idade, mentres que unha familia coñecida fíxose cargo da irmá do detido, tamén menor.
Ao parecer, foi a propia nai quen alertou a policía desta situación, xa que observou mensaxes sospeitosas no teléfono móbil do seu fillo. O Concello de Montellano emitiu un comunicado en que pide calma, indicando que "non existe risco ningún para a poboación, aínda que a investigación seguirá nas próximas horas".