Detido por agredir cunha barra metálica o sancristán dunha igrexa de Santiago
Detido por agredir cunha barra metálica o sancristán dunha igrexa de Santiago
A vítima precisou o traslado ao hospital tras recibir golpes na cabeza e nun brazo
Os feitos sucederon na Igrexa de Santa María Salomé antes de comezar a eucaristía
O arrestado é un mozo de 25 anos con trastornos psiquiátricos
A policía detivo un mozo de 25 anos por agredir cunha barra metálica o sancristán dunha igrexa situada no centro histórico de Santiago de Compostela.
Os feitos sucederon contra as 19:00 horas do venres cando estaba a piques de iniciarse unha eucaristía na igrexa de Santa María Salomé, situada na Rúa Nova da zona vella.
Fontes municipais din que o agresor é un mozo de 25 anos que padece trastornos psiquiátricos e que se atopaba de acollida en casa do sancristán, que foi trasladado a un centro hospitalario despois de recibir golpes na cabeza e nun brazo.
O autor da agresión emprendeu unha fuxida que rematou en Porta Faxeira, onde foi interceptado e arrestado por axentes da Policía Local de Santiago.