Detido en Segovía por ocultar o cadáver do pai ano e medio para cobrar a pensión
Foi o arrestado, un mozo de 25 anos, o que chamou a Garda Civil para confesar os feitos
A falta dos resultados da autopsia, semella que a morte foi por causas naturais
Europa Press
Axentes da Garda Civil de Segovia detiveron un mozo de 25 anos por esconder, durante ano e medio, o cadáver do seu pai nun armario para seguir cobrando a pensión.
Segundo confirmaron desde a Subdelegación do Goberno, os axentes acudiron a un domicilio do municipio de Torrecaballeros despois de que o procesado chamase para declarar os feitos.
Unha vez alí, os gardas civís comprobaron que o corpo sen vida se atopaba nunha estancia da vivenda, polo que detiveron o mozo ao que conduciron ao cuartel da localidade segoviana de La Granja, onde prestou declaración antes de pasar á disposición xudicial.
A autopsia determinará se o vínculo do finado co detido é real e se presentaba algún signo de violencia, aínda que en principio apúntase a unha morte de forma natural.
