Detida Aminata Diallo, xogadora do PSG, pola violenta agresión a unha compañeira

A futbolista do París Saint-Germain Aminata Diallo foi detida pola policía francesa pola súa suposta relación coa violenta agresión sufrida pola súa compañeira de equipo Kheira Hamraui.

Hamraui foi agredida por dous encapuchados cunha barra de ferro cando regresaba á casa en compañía da propia Diallo e outra compañeira, que saíron ilesas.

A policía investiga se Diallo contratou os dous sicarios para lesionar a Hamraui e facerse cun posto de titular no PSG e na selección francesa, xa que ambas as dúas xogan na mesma posición.