Deteñen tres persoas na Coruña acusadas dun delito de tráfico de drogas

Na zona coruñesa do Castrillón, a Policía Nacional detivo nas últimas horas tres homes como presuntos autores dun delito de tráfico de drogas.

Os arrestados integraban presuntamente un grupo criminal dedicado á venda de estupefacientes nese barrio coruñés. A investigación comezou grazas á colaboración das asociacións veciñais, que alertaron da presenza de numerosos consumidores de droga na zona.

Na operación policial, os axentes interviñeron diversas cantidades de heroína, cocaína e haxix, ademais dunha pistola, un puño americano e diñeiro en efectivo.