Detención de película en pleno centro de Marín
Os axentes tiveron que ser axudados por transeúntes pola agresividade e forza do detido
Espectacular detención dun home en Marín que ofrecía moita resistencia. As patrullas da Policía Nacional e Local contaron co apoio de varios transeúntes para reducir o home, que reside nunha casa ocupada ilegalmente.
Os que circulaban este martes pola avenida de Ourense á altura de Cantodarea quedaron abraiados polo espectacular operativo para reducir un home que fuxía pola avenida. Na placaxe participaron axentes das policías nacional e local e mesmo xente da rúa porque o detido tiña moita forza e estaba fóra de control.
Algúns cidadáns viron como o home pelexaba cunha moza cando saían da casa na que residen ilegalmente. O home de nacionalidade portuguesa ten diversos antecedentes policiais algúns deles por violencia machista.
