Desmantelan un grupo criminal en Ourense e comisan 14 quilos de haxix
Desmantelan un grupo criminal en Ourense e comisan 14 quilos de haxix
Na operación Al Andalus a policía detivo cinco persoas e realizou tres rexistros nos barrios do Couto, A Ponte e Berrocás
Un dos arrestados foi conducido a prisión
![](https://img-g24-crtvg.flumotion.com/prog24/2024/20240416/operaciondrogaourense.jpg)
A Policía Nacional desmantelou un grupo criminal dedicado ao tráfico de drogas na cidade de Ourense. Os axentes detiveron cinco persoas e realizaron tres rexistros en domicilios dos barrios do Couto, A Ponte e Berrocás.
A intervención, desenvolvida o pasado 11 de abril polo Grupo de Estupefacientes da Comisaría de Ourense en colaboración con GOES e UPR, puxo o colofón á operación Al Andalus.
No operativo, os axentes comisaron 14 quilos de haxix, outras drogas, 20.000 euros en metálico, tres automóbiles, unha motocicleta de alta cilindrada e outros efectos relacionados co tráfico de drogas
Os cinco detidos foron postos á disposición do Xulgado de Instrución número 1 de Ourense. O maxistrado ordenou o ingreso en prisión dun dos investigados e decretou a posta en liberdade con cargos dos outros catro.