Descobren un marcador do xogo de pelota maia

Presentouse un achado arqueolóxico en México considerado moi raro: un marcador de pedra, usado polos maias no xogo da pelota, un deporte parecido ao fútbol que era tradicional dos pobos mesoamericanos. Datárono cara ao ano 800 ou 900 despois de Cristo. Ten unha escritura xeroglífica que rodea dous xogadores de pé canda unha bóla. Atopárono no sitio arqueolóxico maia de Chichén Itzá, na península de Iucatán.