Desartellan un punto de venda de droga en Noia

A Garda Civil do Posto Principal de Boiro desarticulou un punto de venda de substancias estupefacientes e detivo a dous homes e unha muller como autores dun delito contra a saúde pública e outro de receptación.

A operación, tutelada desde o seu inicio polo Xulgado de Instrución número 1 de Noia, iniciouse no principio do ano por mor de ter coñecemento da posible existencia dun punto de venda de droga na localidade de Noia, ao que acudían supostamente toxicómanos durante todo o día para a compra da súa dose.

Os gardas civís lograron a localización do inmoble, comprobando que os detidos desprazábanse en patinete ou bicicleta pola localidade, para a entrega das doses a diversos consumidores finais, tratando de dificultar con iso o labor policial.

Tras confirmar a localización da vivenda e pescudar a identidade dos presuntos autores, a Garda Civil solicito á Autoridade Xudicial un Mandamento de Entrada e Rexistro, onde atoparon obxectos procedentes de varios delitos de roubo ocorridos na zona, entre eles, semienterrada na parte posterior da vivenda, unha caixa de rexistradora de seguridade subtraída uns días antes nun establecemento hostaleiro da localidade, valorada en 10.000 euros.

A Garda Civil procedeu á detención destas 3 persoas como presuntos autores de 1 delito contra a saúde pública e outro de receptación e á incautación dos efectos atopados, sendo restituídos aos seus lexítimos propietarios, excepto os que aparecen na fotografía que aínda non foron reclamados.