Desartellada a maior rede de narcotráfrico de Valladolid, que compraba droga en Galicia

A Policía Nacional desmantelou a maior rede de narcotráfico e branqueo de capitais da provincia de Valladolid na operación denominada 'Churruca'. Esta operación saldouse con 19 detidos e 59 quilos de cocaína de gran pureza encautados.

Esta rede de narcotráfico estaría vinculada a un clan "moi coñecido" de 'mercheros' con antecedentes penais,  asentado na capital valisoletana, con conexións en Salamanca, que adquiría a droga en Galicia para distribuíla por esta zona e Asturias.

O delegado do Goberno en Castela e León, Nicanor Sen, salientou o traballo realizado pola Policía Nacional e detallou, durante unha rolda de prensa ofrecida este sábado, que se trata da maior operación de investigación de droga realizada por medios propios e que remata co desartellamento da cúpula "máis potente" da droga en Valladolid.

Tamén detallou que os integrantes da rede utilizaban restaurantes como tapadeira para branquear o diñeiro procedente do narcotráfico.

Un destes establecementos, xa clausurado, atopábase nun centro comercial da localidade valisoletana de Arroyo de la Encomienda e outro segue operativo no centro da capital do Pisuerga.

A operación, denominada 'Churruca', saldouse con 19 detidos, a incautación de 59 quilos de cocaína dunha pureza superior ao 80 por cento e valorada en case catro millóns de euros, así como 22 vehículos de alta gama e abundante documentación.

Nos rexistros tamén se localizou unha escopeta do calibre 12, unha pistola co número de serie borrado, varios cargadores, 123 caixas de munición e un total de 5.820 cartuchos de distintos calibres de arma curta e longa.

A investigación comezou en xullo de 2024 coa detención de tres persoas na provincia de Valladolid

A investigación comezou en xullo de 2024 coa detención de tres persoas na provincia de Valladolid. Nese momento interviñéronselles doce quilos de cocaína e 80.000 euros en metálico. Aínda que, segundo destacou o delegado do Goberno, estes arrestados non pertencían ao "eixo principal", os seus movementos permitiron detectar unha rutina de transporte de droga a gran escala.

O 2 de maio pola A-62, á saída do Estadio José Zorrilla, produciuse a detección dun dos vehículos que transportaban a droga. Con todo,o outro coche, conducido polo líder da organización, se dió á fuga.

A pesar de ser perseguido por varias dotacións policiais, o home conseguiu eludir aos oficiais e abandonou o coche nunha leira do municipio valisoletano de Trigueros del Valle.

O vehículo interceptado na autoestrada transportaba 55 quilogramos de cocaína. O vehículo abandonado na leira de Trigueros levaba outros tantos, ata o punto de que non puideron recoller dous quilogramos de cocaína que se deixaron alí na súa fuxida.

O vehículo interceptado na autoestrada transportaba 55 quilogramos de cocaína. O vehículo abandonado na leira de Trigueros levaba outros tantos, ata o punto de que non puideron recoller dous quilogramos de cocaína que se deixaron alí na súa fuxida.

Dos sete implicados que formaban o convoi, catro foron detidos, dandose á fuga outros tres. Estes últimos contaron coa axuda dun curmán que xa se atopaba fuxido desde xullo, o que permitiu confirmar a conexión co núcleo central da organización. Pouco despois foi detido un quinto implicado.

A segunda fase da operación comezou o 22 de maio e centrouse no branqueo de capitais con nove detencións. Un dos implicados xa se atopaba en prisión provisional pola súa implicación nos feitos ocorridos en xullo.

Realizáronse dous rexistros domiciliarios nos que se atoparon abundante documentación relacionada con actividades de branqueo, así como vehículos de luxo que servían para branquear diñeiro procedente do narcotráfico.

Igualmente, o pasado 9 de abril, nun control rutineiro, foron arrestadas dúas persoas con dous quilos de cocaína. A investigación confirmou a súa vinculación directa coa organización criminal.

Cinco dos detidos permanecen en prisión preventiva, catro desde o 1 de maio e un desde xullo de 2024, mentres que outros quedaron en liberdade provisional ao estar relacionados co branqueo de capitais, aínda baixo investigación. Catro homes continúan fuxidos, con ordes de busca e captura en vigor.