Desactivado o nivel 2 preventivo no incendio forestal do Riós

A Consellería do Medio Rural informou de que se desactivou a Situación 2 no incendio forestal do concello ourensán do Riós, parroquia de Fumaces e A Trepa.

Esta situación operativa de emerxencia foi declarada este sábado pola proximidade do lume ao núcleo de poboación de Fumaces.

O incendio iniciouse onte ás 16:54 horas e, segundo as últimas estimacións provisionais, afecta unha superficie de 30 hectáreas.

Para a súa extinción mobilizáronse polo de agora, 2 técnicos, 12 axentes, 17 brigadas, 13 motobombas, 3 pas, 3 helicópteros e 7 avións.