Denuncian un suposto caso de maltrato animal en Betanzos

A comunidade de Instagram Perros Invisibles está a loitar para que Orque poida ter unha vida mellor. Segundo afirman, ofrecéronlles aos donos comprárllelo para que deixe de estar encadeado e malnutrido, como eles denuncian, pero sempre recibiron un non por resposta.

A concentración desta noitiña é unha medida desesperada para evitar o sacrificio do animal, que, segundo apunta Perros Invisibles, os donos queren levar adiante despois de que un veterinario afirmara que a saúde do can é moi precaria e non vai mellorar.

Os donos aseguran que o caso está en máis da xustiza e denunciado na Garda Civil. Afirman que o can este é un animal de once anos e que está enfermo, din que o contido difundido nas redes non se axusta á verdade. 

Os donos do can aparecen en diversos vídeos publicados nas redes sociais. Negan que o animal estea maltratado, algo que desde Perros Invisibles aseguran que non é certo. Acudiron en varias ocasións á vivenda onde se atopa o can para darlle de comer e atendelo. Segundo a súa versión, néganse a ceder o animal, mesmo ofrecéndolles cartos a cambio. 

Os donos aseguran que o can de once anos está enfermo e din que a información de maltrato difundida nestes vídeos é completamente falsa. Incluso aseguran que un grupo de mozos quixo entrar na súa vivenda esta noite para levar o animal, que senten estar perseguidos e difamados. De feito aseguran que puxeron unha denuncia no xulgado.

Mentres, Perros Invisibles ten convocada unha concentración este serán diante da vivenda en sinal de protesta e de presión para que os donos lles cedan o coidado do can. Tamén contan que tentaron poñer unha denuncia na Garda Civil e no Concello e que en ningún sitio os atenderon, pero están insistindo para facer valer os seus dereitos.