Denuncian que alguén está a secar os castiñeiros da igrexa de Paiosaco

Coas follas completamente secas. Así están os dous castiñeiros do adro da igrexa de San Martín de Lestón, en Paiosaco, desde hai dúas semanas.

"Foi unha sorpresa. E díxeno na igrexa o domingo seguinte. Dixen que esta non era maneira de actuar. É certo que os castiñeiros podían ser un perigo para o alumeado. Pero...", explica Jacinto Collazo gantes, párroco. 

"Un dos problemas que sempre se dicía era que estaba abrindo o muro. Pero non sei máis", di un veciño.

Polo momendo, descoñécense as causas que provocaron esta situación. Pero a aparición destes buratos nas bases das árbores leva a pensar a algúns que foron obxecto dun envelenamento.

"É un segredo, Aí non se sabe moi ben o que pasou, parece ser que alguén lles meteu medicamento para que secaran.", explica o sacerdote.

Queren saber que pasou e piden unha investigación por parte do Seprona da Garda Civil: "Estaría ben saber quen o fixo". "Hai que saber se foi de xeito natural ou se lle meteron algo". 

Confían en poder aclarar que lles aconteceu a estes dous castiñeiros que levan máis de dúas décadas formando parte do adro deste templo.