De La Puente perde do xeito máis cruel a opción de estar en semifinais do Open de Australia
Derrotouno o seu compañeiro en dobres Gustavo Fernández, que gañou os once últimos xogos de xeito consecutivo (6-2, 5-7, 0-6)
Tivo bóla de partido cando dominaba o segundo set por 5-2
A aventura do vigués Martín de la Puente no Open de Australia rematou nos cuartos de final do xeito máis cruel (6-2, 5-7, 0-6). De La Puente comezou dun xeito magnífico e gañou o primeiro set cunha gran superioridade. No segundo dominaba por completo, e, con 5-1 e servizo, mesmo gozou dunha bóla para acceder ás semifinais.
Foi o punto de inflexión do partido. O seu compañeiro en dobres, o arxentino Gustavo Fernández, conseguiu salvar ese momento crítico. Foi un duro golpe para Martín de la Puente porque viu como o seu rival remontaba o set facendo cinco xogos seguidos e collía a onda perfecta para facer un set en branco no derradeiro.
