Dalayah Daniels, reforzo do xogo interior para o Baxi Ferrol
Acaba de completar a súa etapa universitaria, en que mediou 11,3 puntos; 6,6 rebotes e 1,6 asistencias cos Washington Huskies
A xogadora nada en Seattle foi escollida no posto número 24 do draft da WNBA. O Baxi Ferrol necesitaba outra xogadora interior para completar o seu xogo interior e xa a ten. O conxunto ferrolán anunciou a incorporación de Dalayah Daniels, unha das grandes promesas do baloncesto estadounidense.
A xogadora acaba de completar a súa etapa universitaria, na que mediou 11,3 puntos; 6,6 rebotes e 1,6 asistencias cos Washington Huskies, demostrando a súa versatilidade. Estes números levárona a ser escollida no posto número 24 do draft da WNBA polos Minnesota Lynx.
A estadounidense é unha auténtica forza da natureza, xa que domina ao seu antollo a pintura. Ademais, tamén ten bo lanzamento de media distancia o que permite xerar moitos espazos para as súas compañeiras e ten boa visión de xogo, algo importante nos equipos de Lino López.
Mira quien pasa por aquí a saludarte pic.twitter.com/Nv7ymGlVT6
— Baxi Ferrol (@UniFerrol) June 5, 2025
Daniels converterase na décima peza do Baxi tras as renovacións de Gala Mestres, Branca Millán, Moira Joiner, Claire Melia e Alba Sánchez-Ramos, e as fichaxes de Ine Joris, Begoña de Santiago, Karla Erjavec e Karolina Sotolova.
