Cuarto cambio do céspede do estadio de Balaídos no que vai de tempada

O tapete será substituído ao longo desta semana e estará operativo para o partido do 17 de febreiro ante o Barcelona coa esperanza de que sexa a solución definitiva despois de tres tentativas estériles.

De feito, o terceiro cambio durou unha semana e catro partidos. A gran diferenza cos cambios anteriores é que será un céspede natural por completo e que os tepes chegarán desde Portugal.

O Celta indicou nun comunicado que "continúa buscando solucións para liquidar o mal estado do céspede do estadio de Balaídos, que esta tempada foi substituído xa en tres ocasiones. Este luns comezaron as tarefas de implantación dun novo céspede, neste caso natural, procedente de Comporta (Portugal)", indicando a continuación que o cambio "pretende dar unha solución definitiva ata final de tempada. A colocación do novo céspede concluirá a principios da próxima semana e estará en perfectas condicións para o encontro do 17 de febreiro fronte ao F. C. Barcelona".