Coudet confirma que Okay non está na convocatoria pola súa probable saída
Coudet confirma que Okay non está na convocatoria pola súa probable saída
O técnico do Celta non quixo oír falar das declaracións de Mouriño sobre Europa: "Eu non penso máis alá do partido contra o Sevilla"
Mañá ás 18.30 o Celta visita o Sánchez-Pizjuán na procura da segunda vitoria consecutiva logo de tombar 2-0 a Osasuna en Balaídos
Na convocatoria non estará Okay Yokuslu, que semella sairá do Celta nos próximos días. Así o confirmou o propio Coudet en sala de prensa na previa do encontro.
Malia a probable saída do internacional turco, o técnico do conxunto vigués descartou máis saídas, e tampouco agarda movementos en forma de fichaxes.
O Chacho descarta enfado coa directiva pola capacidade do Celta para incorporar futbolistas
"É unha sensación errónea túa, é unha situación que tiña clara dende o principio"
O equipo realizou un último adestramento antes de viaxar a Sevilla.
⚽️ Último adestramento do @RCCelta antes de viaxar para xogar ante o @SevillaFC ‼️ pic.twitter.com/WTUN3Qcx7N
— En Xogo tvG2 (@EnXogo_tvG2) January 21, 2022
Outro dos temas tratados na comparecencia foron as declaracións de Mouriño sobre xogar competición europea:
"Quero pensar só no partido contra o Sevilla, a miña cabeza non pensa máis alá".
