Publicador de contidos

Publicador de contidos

Román Rodríguez aposta polo exame único na ABAU para evitar desigualdades entre comunidades

Román Rodríguez aposta polo exame único na ABAU para evitar desigualdades entre comunidades

O conselleiro de educación, moi crítico coa reforma da ABAU do Goberno central

G24.gal 30/07/2022 14:07

A nova proba de acceso á universidade proposta polo Goberno español non convence o conselleiro de Educación, xa que se centra na metodoloxía -que considera que non é tan importante- e pasa por alto a grande eiva do sistema: as diferencias nos exames entre comunidades.

Todos os mozos poden acceder a calquera universidade de España, porén podería haber exames máis doados nunha comunidade ca noutra. Román Rodríguez aposta polo exame único ou polo menos pola súa estandarización ou homoxeneización.

A unidade de criterio entre comunidades é esencial para Román Rodríguez que apuntou ademais que Galicia é a comunidade mellor situada no informe PISA no conxunto de variables que se analizan, malia que logo os resultados da ABAU sexan os menos bos.

O responsable da educación en Galicia considera que o Goberno central está a facer unha política totalmente errada non apostando polo esforzo e a calidade.

A reforma da ABAU foi presentada este mércores pola ministra Pilar Alegría e entrará en vigor o curso 26-27, aínda que o modelo de transición comezará xa o curso 23-24.

Publicidade
Publicidade
Publicidade
Publicidade