A Xunta destina máis de 150 millóns en axudas para impulsar a vivenda en 2027

O Consello da Xunta aprobou este luns destinar máis de 150 millóns de euros en axudas para a vivenda en 2027. Segundo explicou o presidente da Xunta, Alfonso Rueda, estas axudas terán como destinatarios propietarios particulares e comunidades de veciños, pero tamén concellos ou cooperativas e promotores que impulsen a construción de vivenda.

Rueda asegurou que as axudas multiplican por catro as achegas dos exercicios anteriores, en dúas liñas principais: achegas para acceder a un fogar e para a rehabilitación.