As familias de acollida terán preferencia para adoptar os menores que amparan

O Consello da Xunta aprobou este luns o anteproxecto de Lei de infancia e adolescencia que aspira a reunir baixo a mesma lexislación toda a normativa relativa á protección dos menores de idade.

Desde a administración autonómica destacan que esta regulación abundará en dar prioridade ao sistema de acollida familiar, no lugar de que os menores estean en centros asistenciais.

Neste sentido, a Xunta quere dar un paso máis e dar prioridade ás familias de acollida deses menores á hora de adoptalos, no caso de que finalmente se decida que eses nenos deben pasar ao sistema de adopción.