Os campamentos e actividades de verán da Xunta contarán este ano con 11.932 praazas

O Consello da Xunta aprobou este luns a convocatoria dos campamentos e actividades de verán, que neste 2026 contarán con 11.932 prazas, 302 dúas máis ca o ano pasado, e que, segundo afirmou Alfonso Rueda "é a maior oferta que houbo nunca". As prazas están destinadas a nenos e mozos de 9 a 30 anos. 

As familias atopan nesta campaña un recurso de conciliación único para o tempo estival. A Xunta investirá nesta convocatoria uns 5,5 millóns de euros.

Esta oferta está composta por varias modlidades que se adaptan as necesidades e preferencias de cada usuario, en total serán cinco modalidades: campamentos, minicampamentos, campos de voluntariado, actividades para maiores de 18 anos e unha oferta centrada en instalacións xivenís.

8.050 desas prazas son para campamentos para nenos e nenas de 9 a 17 anos para estancias de 8 a 15 días, incluídas varias en intercambio con outras autonomías.

Os minicampamentos son para nenos de entre 9 a 12 anos para estancias de cinco días de duración, e ofertaranse 876 prazas.

Para os maiores de 18 anos hai dúas alternativas: campos de voluntariado, con 665 prazas en Galicia, 75 noutras autonomías e 75 no estranxeiro; e 160 prazas para as chamadas actividades de ocio alternativo e saudable. 

Esta oferta compleméntase coa cesión das instalacións públicas da Xunta para as entidades ou grupos xuvenís, que ofertarán un total de 1.270 prazas.

Como novidade, afirmou Rueda, terán prioridade as persoas que non participaron o ano pasado.