Claudio Giráldez, moi duro co horario do partido contra o Mallorca
O adestrador do Celta amosouse moi crítico coas condicións en que se disputou o encontro
O horario en que se disputou o Mallorca-Celta foi moi criticado polo adestrador celeste, Claudio Giráldez, na conferencia de prensa posterior ao partido. Claudio queixouse especialmente por como afecta os xogadores e por conseguinte os afeccionados, xa que o encontro vese afectado cos equipos máis esgotados. O adestrador celeste sinalou que había que felicitar os xogadores por xogar baixo esas condicións.
Un dos puntos que recalcou Giáldez foi a cantidade de xogadores que pediron o cambio, "creo que non houbo ninguén que non pedise o cambio". Cando lle preguntaron tamén recalcou que 3 dos 5 defensas que participaron no gol do Mallorca lle pediran a substitución.
