Christian Costoya, o fenómeno do automobilismo galego, visita a TVG

Recibimos na Televisión de Galicia o piloto do futuro, Christian Costoya. Acaba de fichar pola Academia de McLaren, algo que son palabras maiores. En xaneiro comeza a competir en Fórmula 4 no campionato de Oriente Medio no circuíto de Yas Mariña (Emiratos Árabes).

Viña de Italia e, con 15 anos, estaba moi preocupado polos exames de historia e música de cuarto da ESO que terá o vindeiro venres. Christian vese con Norris e Verstappen nun prazo de cinco anos.