Cheiro pestilente a carón da captación de augas da traída de Lalín

Un problema de canalización na rede de sumidoiros preto do polígono industrial de Botos, en Lalín, está a orixinar un cheiro pestilente na área onde se localiza a instalación da captación de augas do fornecemento público.

Os veciños da zona din que o sofren máis ou menos dependendo de onde vén o aire.
Operarios de Aquadeza traballaron estes días na reparación do sumidoiro, pero hoxe a mañá persistía o fedor intenso xunto á base da Ponte Nova.