Celébrase o Día Europeo do 112, o número común para as emerxencias desde hai 30 anos

Este domingo 11 de febreiro celébrase o Día Europeo do 112, o número común de todos os países membros para as emerxencias desde hai 30 anos.

O 112 Galicia presentou un vídeo para homenaxear o persoal que traballa no centro da Estrada. Nesta peza, a xestora Mercedes Souto conta as dinámicas de funcionamento da sala de operacións do 112 e tamén as implicacións psicolóxicas dun traballo en que moitas veces hai vidas en xogo.