Cazas británicos e alemáns interceptan un avión ruso preto de Estonia
Cazas británicos e alemáns interceptan un avión ruso preto de Estonia
A aeronave, dedicada á reposición de combustible, voaba de San Petersburgo a Kaliningrado
Foi escoltada polos cazas ao non responder as chamadas dos controladores de Estonia
Avións militares do Reino Unido e Alemaña interceptaron preto do espazo aéreo de Estonia unha aeronave rusa dedicada á reposición en voo, nunha manobra realizada o luns, que transcorreu sen incidentes.
Segundo o Goberno británico, os cazas engalaron para escoltar a aeronave rusa despois de que esta non respondese as chamadas dos controladores estonianos. Trátase dun IL78 Midas que voaba desde San Petesburgo a Kaliningrado. Posteriormente, acompañaron un segundo avión comercial que voaba preto do espazo aéreo de Estonia.
O Ministerio de Defensa británico afirma que son operacións "de rutina" que se realizan baixo o paraugas da OTAN "nun momento de tensión" derivado da guerra de Ucraína.
Segundo o secretario de Estado das Forzas Armadas do Reino Unido James Heappey, estas operacións demostran a vontade dos Estados membros de responder ante "calquera potencial ameaza".