Catro alumnos galegos expulsados da ABAU por copiar

Polo menos catro alumnos foron expulsados dos exames da ABAU que remataron hoxe en Galicia por copiar, dous deles en Vigo, un na Coruña e outro en Santiago.

Un deles empregaba un  reloxo intelixente, dous copiaban dos seus móbiles e outro coa tradicional chuleta en papel.  As normas da ABAU son claras neste sentido, se se detecta algún alumno copiando debe abandonar inmediatamente o exame.

Pero non só recibirá un cero nesa materia, senón que non poderá presentarse a ningún outro exame da mesma convocatoria.