Case tres anos tapiados por un andamio en Pontevedra

Máis dunha decena de establecementos da rúa Rosalía de Castro de Pontevedra denuncian a presenza dun andamio diante das súas fachadas que este verán fará tres anos.

A falta de visibilidade dos seus escaparates failles perder a algúns máis da metade dos seus ingresos. Nalgún tempo tamén tiveron diante unha latrina que cheiraba mal, os obreiros non se fixan tampouco cando regan ou baldean e a auga remata sobre os que están nas terrazas.

Cada vez que denuncian nos medios, as obras retómanse, pero con moi poucos obreiros. Os responsables dos establecementos están desesperados.

A Comunidade de Veciños que promove a obra pretendía contar cunha subvención da administración galega, que podería perder ao non cumprir os prazos.